BE përgatitet të lejoj kontrolle më të mëdha kufitare në Shengen

Bruksel, 3 maj 2016 (MIA) - Bashkimi Evropian përgatitet këtë javë t'u lejojë anëtareve ta vazhdojnë kontrollin kufitar në zonën e Shengenit për shkak të krizës migruese dhe sulmeve të paradokohshme terroriste, pasi pesë shtete parashtruan kërkesë të tillë.

Gjermania, Franca, Austria, Danimarka dhe Suedia dërguan letër deri te KE-ja, në të cilën thonë se situata kufitare mbetet "jashtëzakonisht jostabile" dhe kërkojnë t'u vazhdohet e drejta e kontrollit kufitar.

Sipas mediave perëndimore, vendimi për këtë përgatitet eventualisht për të mërkurën.

Burime evropiane theksojnë se Komisioni është i gatshëm të miratojë masa në pajtim me të a.q "hartën e rrugës" për vendosje të serishme të funksionimit normal të Shengenit "deri në fund të vitit".

Vitin e kaluar disa shtete vendosën kontrolle kufitare për shkak të fluksit të rritur të migrantëve. Rregullat e BE-së lejojnë që shtetet sërish të mund të vendosin kontroll kufitar më së shumti dy vjet në periudha maksimale prej gjashtë muajve në raste kur kufijtë janë të rrezikuar.