KE: Kontrollet e përhershme kufitare do të kushtonin prej pesë deri në 18 miliardë euro në vit

Bruksel, 4 maj 2016 (MIA) - Komisioni Evropian vlerëson se vendosja e sërishme e kontrolleve të përhershm e të kufijve në zonën e Shengenit mund të kushtojë prej pesë deri në 18 miliardë euro në vit.

Disa shtete në BE, duke e përfshirë edhe Gjermaninë, përkohësisht i përforcuan kontrollet kufitare për shak të fluksit të rritur të refugjatëve dhe migrantëve të cilët kërkojnë azil në këtë vend, duke ikur nga lufta dhe varfëria.

Në kumtesën e KE-së citohet se ajo mund të ndikojë në shtrenjtimin e qarkullimit rrugor, në anulimin dhe kontrollin e më shumë se miliarda udhëtimeve tejkufitare çdo vit, si dhe në harxhimet doganore dhe administrative.

Vlerësimi i harxhimeve nuk e ka përfshirë ndikimin ndaj turizmit, vëllimin e tregtisë, ndryshimet në prodhimtari dhe dobësimin eventual të sistemit të përbashkët të vizave në BE.