Pavel: Rusia respekton vetëm fuqi, ndërsa kompromisin e konsideron si dobësiBruksel, 25 maj 2016 (MIA) - Kryetari i Komitetit ushtarak të NATO-s Peter Pavel deklaroi se sjellja e paradokohshme dhe veprimet e Rusisë tregojnë se liderët e atij vendi e respektojnë vetëm fuqinë.
"Qasjen liberale, qasjen demokratike, bisedat dhe kompromisin, Kremlini i konsideron si dobësi. Përderisa rusët kanë qëndrim të tillë, NATO-ja duhet të tregojë vendosshmëri dhe të veprojë kur të nevojitet", potencoi Pavel në intervistë për Radio Evropa e Lirë.
Ai shtoi se SHBA-ja dhe aleatët duan, pa e provokuar Moskën, të tregojnë se janë të gatshëm të veprojnë nëse duhet.
NATO-ja pas aneksimit rus të Krimesë në vitin 2014, filloi në masë më të madhe ta përforcojë mbrojtjen e saj kolektive pas Luftës së ftohtë.
|