UNHCR: Nevojitet vendosje për dy milionë refugjatëPraga, 25 maj 2016 (MIA) - Nga fillimi i vitit 2016 janë vërejtur 190.000 përpjekje prej njerëzve për të mbërritur në Evropë përmes vijës detare, me ç'rast 1.360 prej tyre u mbytën, deklaroi sot zëdhënësi rajonal i UNHCR-së për Evropën Juglindore, Neven Cërvenkoviq dhe shtoi se deri në vitin 2018 do të duhet të gjendet vend për dy milionë refugjatë.
Ai në intervistën për Radio Evropa e Lirë vlerësoi se pas zbatimit të marrëveshjes midis Bashkimit Evropian dhe Turqisë dhe mbylljen e paracakohshme të "rutës ballkanike" është zhvendosur pikësynimi i migrimit, por është rritur edhe kontrabandimi i njerëzve, të cilët përpiqen të mbërrijnë në Evropën Perëndimore dhe Veriore.
"E vërejmë se numër gjithnjë e më i madh i njerëzve kërkojnë rrugë alternative përmes Detit Mesdhe, ndërsa në këtë mënyrë mbërrijnë drejt Italisë. Sa i takon mbylljes së "rutës ballkanike" vërejmë, nga njëra anë, fragmentim të këtij qarkullimi të njerëzve të cilët u gjetën në rajonin e Ballkanit Perëndimor, do të thotë në Greqi, Maqedoni dhe Serbi", theksoi Cërvenkoviq.
Ai theksoi se vitin e kaluar janë notuar 3.770 raste të vdekjes gjatë tentimit që përmes detit të mbërrijnë në Evropë.
Cërvenkoviq theksoi se sipas vlerësimeve të UNHCR-sit, 2.000 persona "në mënyrë të qetë" dje janë transferuar në kampin e refugjatëve Idomeni në katër lokacione të dnryshme në vend.
Ai shtoi se është nisur edhe një fushatë globale për grumbullimin e mjeteve të cilat mungojnë që të pajisen lokacione të ndryshme për vendosjen sa më humane të njerëzve.
|