Holanda: BE-ja t'i kushtojë më shumë vëmendje frikës së njerëzve

Amsterdam, 24 qershor 2016 (MIA) - Presidenca holandeze me Bashkimin Evropian kumtoi sot se Evropa duhet tani t'i kushtojë më shumë vëmendje njerëzve për çështjet si papunësia, siguria dhe migracioni.

"Ajo që duhet tani ta bëjmë është që mos të vazhdojmë me të vjetrën, por t'i shikojmë druajtjet reale të qytetarëve", deklaroi ministri holandez i Punëve të Jashtme, Bert Kunders.

Ai paralajmëroi se ekzistojnë dy rreziqe afatshkurte: ato vijnë nga ata që dëshirojnë ta shkatërrojnë Evropën dhe nga tjerat, të cilët thonë se të gjithë duhet të nisemi drejt një roli akoma më të përforcuar të Brukselit, ndaj një integrimi më të fuqishëm. Kunders shtoi se procesi për Bregzit do të jetë transparent dhe do të fillojë sa më shpejt që është e mundur.