Rusia nuk do të kundërshtohet për hyrjen e SHBA-së në "Katërshen normandike"Moskë, 28 tetor 2016 (MIA) - Presidenti i Rusisë Vladimir Putin dje në Forumin ndërkombëtar të titulluar "Valdaj" theksoi se nuk do të kishte asgjë kundër për hyrjen e më shumë shteteve në "Katërshen normandike", përfshirë edhe SHBA-në.
"Qëndrimi zyrtar rus është se, ne nuk kemi asgjë kundër tërheqjes për cilindo qoftë, përfshirë edhe partnerët tanë amerikanë. Rusia nuk synon ndaj dominimit dhe nuk paraqet kërcënim global, siç atë disa shtete dëshirojnë ta paraqesin", deklaroi presidenti rus.
Lidhur me "Katërshen normandike", të formuar me qëllim të zgjidhjes së konfliktit në Ukrainë, ai tha se diskutimet në atë grup po zhvillohen me vështirësi dhe efikasitet të dobët, por dhe se opcione të tjera nuk ekzistojnë, lajmëroi Tanjug.
Grupi i përbërë nga Rusia, Franca, Gjermania dhe Ukraina, është paraparë sërish të takohet.
|