Kremlini i hodhi poshtë thirrjet e SHBA-së dhe BE-së për lirimin e protestuesve të arrestuarMoskë, 27 mars 2017 (MIA) - Kremlini sot i hodhi poshtë thirrjet e SHBA-së dhe BE-së për lirimin e protestuesve të arrestuar gjatë protestave të palejuara dje dhe i akuzoi organizatorët e tyre se kanë paguar adoleshentët të marrin pjesë në protesta. Policia arrestoi qindra protestues mbarë Rusinë dje, ndërsa mes tyre edhe liderin opozitar Aleksej Navalni, pasi mijëra persona dolën në rrugë që të protestojnë kundër korrupsionit dhe kërkuan dorëheqjen e kryeministrit Dmitrij Medvedev. Zëdhënësi i Kremlinit, Dmitrij Peskov protestat i quajti provokim dhe theksoi se autoritetet janë të shqetësuar se aktivistët opozitar edhe në të ardhmen do të kërkojnë nga njerëzit që t'i shkelin ligjet.
|