Sulmuesi nga Mançesteri është identifikuar si Slamna Abedi Londër, 23 maj 2017 (MIA) - Burri i dyshuar për sulmin e mbrëmshëm vetëvrasës me bombë në Mançester është identifikuar si 23 vjeçari Salman Abed, njoftoi CBS Njuz. Abedi prej më herët ka qenë i njohur për autoritetet britanike. Policia në Mançester paraprakisht kumtoi se është arrestuar një person 23 vjeçar lidhur me sulmin me bombë. Përgjegjësinë për sulmin e mbrëmshëm në koncertin e këngëtares amerikane Ariana Grande në Mançeseter, në të cilin e humbën jetën 22 persona, ndërsa dhjetëra janë lënduar, sot e mori Shteti Islamik. Megjithatë shërbimet e inteligjencës amerikane njoftuan se nuk mund të konfirmojnë nëse ekziston lidhje mes sulmit vetëvrasës në Mançester dhe SHI-së. "SHI e mori përgjegjësinë për sulmin në Mançester, por ata e marrin përgjegjësinë për çdo sulm. Ende nuk e kemi konfirmuar lidhjen", deklaroi drejtori i shërbimeve amerikane të inteligjencës Den Kotus gjatë dëshmimit para Komitetit të senatit për forca të armatosura.
|