Stoltenberg: NATO i përshëndet kontaktet në shkallë të lartë të vendeve anëtare me Rusinë Bruksel, 25 maj 2017 (MIA) - NATO i përshëndeti kontaktet bilaterale në shkallë të lartë midis shteteve nga Aleanca dhe Rusia deklaroi sekretari i përgjithshëm i Paktit Jens Stoltenberg, i cituar nga TASS. "I përshëndet kontaktet bilaterale në shkallë të lartë midis vendeve të NATO-s dhe Rusisë. Pamë takime të ndryshme, duke përfshirë edhe në nivel të ministrave të punëve të jashtme. Disa nga shefat e diplomacive patën takim me presidentin e Rusisë, Vladimir Putin, deklaroi Stoltenberg në intervistën për TASS. "Kam punuar me Rusinë në aktivitete të ndryshme. Rusia ka histori të madhe, kulturë të madhe, vendi ndihmoi në çlirimin e Norvegjisë në Luftën e Dytë Botërore. Ushtria e Kuqe ka ardhur dhe e ka çliruar Norvegjinë dhe ne e përkujtojmë këtë dhe e shënojmë çdo vit", theksoi sekretari i përgjithshëm i Lidhjes Veriatlantike, i cili me origjinë është norvegjez. "Kur Rusia do të fillojë që t'i ruajë kufijtë (e Ukrainës) dhe të ndalojë me përkrahjen dhe financimin e separatistëve në Ukrainën Lindore, ky do të jetë hapi më i rëndësishëm për përmirësimin e marrëdhënieve midis Rusisë dhe NATO-s, deklaroi sekretari i përgjithshëm i Aleancës. Ai nënvizoi rëndësinë e veçantë të respektimit të marrëveshjeve të Minskut për tejkalimin e konfliktit.
|