Në tre operacione të doganës gjermane janë konfiskuar 3,8 tonë kokainë Berlin, 21 korrik 2017 (MIA) - Dogana gjermane konfiskoi 3,8 tonë kokainë në tre operacione gjatë vitit. Droga ka arritur në Hamburg në kontejnerë ngarkues nga Amerika Jugore.
Në mars janë konfiskuar 1,5 tonë, ndërkaq në prill - 1,6 tonë kokainë. Që të dy dërgesat kanë arritur nga Paraguaji, të fshehura në thëngjill. Në operacionin e tretë në maj janë zbuluar 788 kilogramë kokainë, të fshehur në ushqim për kafshë. Droga kishte prejardhjen nga Uruguaji.
Në operacionet e doganierëve gjermanë janë shfrytëzuar teknologji bashkëkohore për zbulimin e drogës, por nuk ka informata për arrestime eventuale. Supozohet se droga ishte dedikuar për Gjermaninë dhe për Belgjikën.
|