Junker: Kryesimi bullgar me BE-në mund të ndihmojë në normalizimin e marrëdhënieve me TurqinëAnkara, 12 janar 2018 (MIA) - Kryetari i Komisionit Evropian, Zhan Klod Junker vlerëson se Bullgaria, si kryesuese e Këshillit Evropian në gjashtë muajt e ardhshëm, mund të ketë rol të rëndësishëm në normalizimin e marrëdhënieve midis Turqisë dhe BE-së. Sipas Junkerit, BE dëshiron të ketë bashkëpunim të ngushtë dhe partneritet me Turqinë. Ai megjithatë, shtoi se ripërtëritja e marrëdhënieve me këtë vend varet gjithashtu edhe nga Ankaraja. "Si shtet fqinj, Bullgaria mund t'i shfrytëzojë lidhjet e ngushta me Turqinë, si ndërmjetësuese për përmirësimin e dialogut (me BE-në)", tha Junker, duke theksuar se gjithmonë është më mirë të bisedohet me njëri-tjetrin se sa të flitet për njëri-tjetrin.
|