Negociata të koalicionit: Gjermania do ta kufizojë hyrjen e emigrantëve në 200.000 në vit

Berlin, 12 janar 2018 (MIA) - Gjermania do ta kufizojë hyrjen e emigrantëve të rinj në vend në rreth 200.000 në vit, parashihet me marrëveshjen e cila është arritur sot në mëngjes për fillimin e negociatave zyrtare për përbërjen e qeverisë së koalicionit midis konservativëve dhe socialistëve.
"Ne përcaktuam se numri i arritjeve ... nuk duhet ta tejkalojë numrin prej 180.000 deri në 220.000 në vit", thuhet në dokumentin e dakorduar prej konservativëve të kancelares Angela Merkel dhe socialdemokratëve, njofton AFP.
Me marrëveshjen e sotme, siç theksojnë mediat perëndimore rriten mundësitë për ndërprerjen e pasigurisë më shumë muajshe politike në Gjermani, e cila zgjat që prej zgjedhjeve parlamentare të cilat u mbajtën më 24 shtator të vitit të kaluar.
Kriza e dobësoi rolin e vendit në skenën ndërkombëtare dhe u parashtruan pyetje se sa gjatë Angela Merkel do të mbetet në funksionin e kancelares.