BEQ mendon ta ndërpresë blerjen masive të aksioneve në bursat evropiane

Frankfurt, 19 mars 2018 (MIA) - Në Bankën Evropiane Qendrore zhvillohen diskutime për ndërprerje të programit për "lehtësim kuantitativ" në kuadër të së cilit BEQ bleu aksione dhe bono me vlerë 2,5 trilionë euro në tre vitet e kaluara.
Programi deri tani është vazhduar disa herë, dhe në qoftë se nuk ka vazhdim të ri, duhet të skadojë në fund të shtatorit. Me këtë infuzion të mjeteve nga BEQ drejtpërdrejt në bursat evropiane, konsiderohet se ekonomia evropiane mbrohet nga pasojat e krizës debitore greke.
Sipas Rojtersit, vendimi që mund të bëhet më tej me këtë program kyç financiar do të merret në qershor ose në korrik, relativisht vonë në krahasim me afatin përfundimtar në shtator. Vendimi, sipas agjencisë, nuk mund të merret më herët për shkak se Banka Evropiane Qendrore nuk mund të parashikojë se si do të zhvillohet gjendja me vendosjen e paralajmëruar amerikane të doganave për prodhime të ndryshme.