ONAK: Dy-tri javë janë të nevojshme për analizimin e kampioneve për rastin SkripalNju-Jork, 21 mars 2018 (MIA) - Organizatës për Ndalesën e Armëve Kimike (ONAK) i nevojiten dy-tre javë për ta përfunduar analizën, për ta zbardhur helmimin e ish-agjentit të dyfishtë Sergej Skripal. "Kampionet e marra prej ekspertëve të ONAK, të cilët arritën të hënën në Britani, do të dërgohen në laboratorin qendror në Hagë, ndërsa më pas edhe në laboratorë të tjerë të specializuar", deklaroi drejtori i përgjithshëm i ONAK, Ahmet Juzjumuxhu. "Do të nevojiten edhe dy tri javë që të bëhet analiza", deklaroi ai në selinë e KB-së. Juzjumuxhu shtoi se nuk dëshiron të prejudikojë se cili do të jetë rezultati dhe refuzoi të komentojë nëse analizat do ta dëshmojnë ose jo praninë e agjentit nervor "Noviçok", të zhvilluar në Rusi.
|