Mej do të bisedojë me Trampin për sulmin e dyshuar kimik në Siri

Londër, 10 prill 2018 (MIA) - Kryeministrja britanike Tereza Mej deklaroi se sot do të bisedojë me presidentin amerikan Donald Tramp për sulmin e dyshuar kimik në Siri.
"Do të vazhdoj të bisedoj me aleatët dhe partnerët tanë ashtu si kam bërë. Në mëngjes bisedova me presidentin Makron, ndërsa më vonë do të bisedoj edhe me presidentin Tramp", informoi Mej.
Në pyetjen nëse Britania e Madhe do t'i bashkëngjitet SHBA-së nëse Uashingtoni vendos të ndërmarrë veprime të mëtejshme luftarake në Siri, ajo refuzoi t'i përgjigjet pyetjes, por tha se "mendon se duhet të kërkohet përgjigje nga përgjegjësit".
Mej tha se sonte do të kryesojë takimin e Këshillit Britanik për siguri nacionale.
"Sulmi i kryer në Duma, është vandalist. Është e dukshme se urgjentisht po punojmë me aleatët dhe partnerët tanë për t'u vlerësuar se çfarë ka ndodhur në terren", tha ajo.