Xhonson: Sulmet ndaj Sirisë nuk do ta ndryshojnë kursin e luftësLuksemburg, 16 prill 2018 (MIA) - Sulmet ajrore që SHBA-ja, Britania e Madhe dhe Franca i kryen të shtunën ndaj caqeve në Siri, nuk do ta ndryshojnë kursin e luftës siriane, deklaroi sot shefi i diplomacisë britanike Boris Xhonson. "E rëndësishme është të theksohet se ajo nuk ishte përpjekje për ndryshim të kursit në luftën e Sirisë, as nuk ishte përpjekje për ndryshim të regjimit", deklaroi Xhons në Luksemburg pas arritjes në takimin e ministrave të Punëve të Jashtme të vendeve anëtare të BE-së. Sipas tij, me sulmet e tre vendeve perëndimore, bota vetëm ka porositur se është mjaft me shfrytëzimin e armëve kimike. "Megjithatë frikësohem se lufta siriane do të vazhdojë me rrjedhën e saj mizore dhe të tmerrshme", shtoi Xhonson.
Sipas paralajmërimeve nga selia e BE-së, konflikti sirian, së bashku me marrëdhëniet e Unionit drejt Rusisë, do të jenë tema kryesore të takimit ministror në Luksemburg. Bashkimi Evropian të shtunën i bëri thirrje Rusisë dhe Iranit të ndihmojnë në ndërprerjen e sulmeve eventuale në të ardhmen me armë kimike nga ana e armatës siriane, duke u kërcënuar megjithatë me sanksione të reja ekonomike. "Bashkimi Evropian u bëri thirrje të gjitha shteteve, ndërsa veçanërisht Rusisë dhe Iranit, ta shfrytëzojnë ndikimin e tyre që të pengohet regjimi sirian në të ardhmen të shfrytëzojë armë kimike", porositi BE. SHBA-ja, Franca dhe Britania e Madhe të shtunën në orët e hershme të mëngjesit gjuajtën mbi 100 raketa ndaj objekteve të autoriteteve siriane në rajonet e Damaskut dhe Homsit, me ç'rast ishte shkaktuar vetëm dëm material, por jo edhe viktima në njerëz.
|