Lideri i ri katalonas i bën thirrje Madridit për dialogBerlin, 15 maj 2018 (MIA) - Kryetari i ri i Qeverisë rajonale katalonase, Kim Tora sot ka kërkuar ndalimin e qeverisjes së drejtpërdrejtë të Madridit mbi Katalonjën. Në konferencën e përbashkët për shtyp me ish-liderin katalonas Karles Puxhdemon në Berlin, Tora deklaroi se qëllimi i parë i Qeverisë së re katalonase do të jetë dialogu me Madridin. Tora deklaroi se ka udhëtuar për në Berlin që t'i ndajë mirënjohje Puxhdemonit, të cilin e quajti "kryetar legjitim i Katalonjës". Tora ishte zgjedhur dje në Parlamentin katalonas, me çfarë pas shtatë muajve i është dhënë fund bllokadës së Qeverisë së Katalonjës dhe janë shmangur zgjedhjet e reja.
|