Britania nuk i jep vizë Roman Abramoviçit

Londër, 21 maj 2018 (MIA) - Pronari i klubit anglez të futbollit Çelsi, oligarku rus Roman Abramoviç, nuk mund të marrë vizë britanike pas marrëdhënieve të reja të tensionuara midis Mbretërisë së Bashkuar dhe Rusisë për shkak të "Rastit Skripal", raporton "Dejli Meil".
Burime të afërta me miliarderin thonë se kërkesa për vazhdimin e vizës ende nuk është refuzuar, por procedura zgjatë shumë gjatë. Ministri britanik i Sigurisë, Ben Uolas thotë se kjo është ashtu sepse nga vitit 2014 kriteret për investitorët e huaj janë më të ngushta.
"Kjo përfshinë edhe refuzimin e aplikimit nëse ekzistojnë arsye themelore se kërkuesi në mënyrë të paligjshme ka siguruar pronësinë", deklaroi Uolas.
Tani për tani, nuk ka të dhëna për përfshirje eventuale të Abramoviçit në aktivitete të paligjshme. Abramoviç miliardat i ka fituar në sektorin e naftës të Rusisë, ndërsa më pas edhe në industrinë metalurgjike.