Krizë në Qeverinë britanike për shkak të Bregzitit

Londër, 9 korrik 2018 (MIA) - Dejvid Dejvis, ministri britanik i angazhuar për ta zhvilluar procesin e daljes nga Bashkimi Evropian sot dha dorëheqje për arsye se është i pakënaqur nga plani që Qeveria e dakordoi të premten.
Dejvis i ka dërguar letër kryeministres Thereza Mej në të cilën vlerëson se vendi është sjellë në pozitë të vështirë nga ana e BE-së.
"Orientimi i i politikës na solli deri në pozitë të dobët negociuese, dhe është e mundur të mos mundemi të dalim nga ajo", shkruan në letrën e Dejvis për Mej, i cili në mënyrë shtesë parashikon se në pajtim me dakordimin e së premtes, Britania nuk do të jetë vërtetë e pavarur lidhur me BE-në.
Qeveria mbajti takim në Çekers, objektin rezidencial të kryeministres Mej, në të cilën ministrat i dakorduan qëndrimet e tyre përfundimtare të negociatave me BE-në. Po, pas dorëheqjes së Dejvis, i cili është anëtar i degës së Qeverisë e cila zotohet për shkëputje të tërësishme dhe të pakthyeshme të obligimeve që Britania e Madhe i ka ndaj BE-së, është e mundur të kërkohet dorëheqja e kryeministres.