Operacioni më i madh policor në Bruksel për shkak të Samitit të NATO-s Bruksel, 10 korrik 2018 (MIA) - Qytetarët e Brukselit janë mësuar me ardhjen e delegacioneve të larta, sepse selitë e NATO-s dhe BE-së janë në qytet. Por ardhja e presidentit amerikan është gjithmonë sfidë për policinë e Brukselit dhe për qytetarët të cilët ballafaqohen me bllokime në komunikacion. "Prej sot e deri të premten polica e Brukselit e organizon operacion e saj ndoshta më të madh në vitet e fundit", deklaroi për mediat belge Ilze Van De Kere, zëdhënëse e policisë së Brukselit. Qëllimi i operacionit është zhvillim i papenguar i samtit të NATO-s dhe mijëra mysafirëve të lartë të saj, shikimi pa pengesa i ndeshjes të gjysmëfinales së futbollit Belgjikë - Francë, por edhe zhvillimi pa pengesa i festës së bashkësisë flamane belge më 11 korrik. Samiti i NATO-s fillon të mërkurën në mëngjes dhe do të përfundojë të enjten pasdite. Delegacionet e 55 vendeve tashmë pritën të arrijnë në Bruksel. Stres më i madh për policinë e Brukselit është sigurimi i të gjithë liderëve që arrijnë në qytet por para se gjithash kërkesat që i vendos sigurimi i presidentit amerikan.
|