Madrid: Në shesh ndërtimin e hotelit "Ric" një punëtor e humb jetën ndërsa 11 lëndohenMadrid, 19 shtator 2018 (MIA) - Në shesh ndërtimin e një hoteli luksoz në qendër të Madridit dje jetën e humbi një punëtor, gjatë rrëzimit të skelës në të cilën po punonte, ndërsa të paktën 11 persona u lënduan. Sipas kumtesës së Ndihmës së shpejtë, skela prej hekuri në katin e gjashtë të hotelit "Ric" është rrëzuar rreth orës 16, duke e rrëzuar edhe konstruksionin dhe punëtorët të cilët kanë qenë në të pesë kate më poshtë. Shumica e punëtorëve janë shpëtuar vetë dhe shumë shpejt kanë marrë ndihmë mjekësore, ndërsa dy janë hospitalizuar dhe janë në gjendje të rëndë. Zjarrfikësit i kanë tërhequr tre persona nga rrënojat me lëndime të shkallës së mesme, ndërsa kanë tentuar ta tërheqin edhe trupin e punëtorit i cili humbi jetën. Policia lokale është duke e hetuar shkakun e fatkeqësisë. Hoteli "Ric" për shkak të renovimit është mbyllur nga marsi i këtij viti.
|