Një zjarr shpërtheu në një tren udhëtarësh në Gjermani Berlin, 12 tetor 2018 (MIA) - Një zjarr ka shpërthyer paradite në një tren udhëtarësh, që qarkullonte në relacionin nga Frankfurti për në Këln.
Autoritetet gjermane njoftuan se gjatë zjarrit nuk ka të lënduar dhe se të gjithë 510 udhëtarë në tren janë evakuuar.
Zjarri i cili përfshiu dy vagonë të trenit, ndodhi në afërsi të qytetit gjerman Dirdorf.
Për shkak të zjarrit është ndërprerë qarkullimi hekurudhor përmes kësaj hekurudhe, ndërsa përkohësisht është mbyllur edhe autostrada A3, që kalon në afërsi , sepse tymi e kufizon dukshmërinë.
Arsyet për zjarrin tani për tani janë të panjohura.
|