Kreç: Numri i të vrarëve u rrit në 20, prej të cilëve 11 janë minorenë Kerç, 18 tetor 2018 (MIA) - Numri i viktimave në sulmin e djeshëm në kolegjin në Kerç në Krime u rrit në 20, kumtoi ministrja e Shëndetësisë të Rusisë, Veronika Skvorcova. "Jetën e kanë humbur 20 persona, mes të cilëve 15 studentë dhe pesë të punësuar në fakultet. Prej 15 studentëve të pësuar, 11 janë minorenë", deklaroi ajo. Ministrja theksoi se janë hospitalizuar 44 njerëz me "shkallë të ndryshme të lëndimeve". Si kryerës i sulmit është identifikuar Vlladisllav Roslakov (18). Autoritetet kumtuan se rasti po udhëhiqet si vrasje masive, e jo si terrorizëm siç është dyshuar fillimisht. Në Krime janë shpallur tre ditë zie.
|