Bruksel, 15 korrik 2019 (MIA) – Shtetet anëtare të Bashkimit Evropian insistojnë ta zbusin tensionimin në rajonin e Gjirit Persik dhe i bëri thirrje Iranit ta respektojë marrëveshjen bërthamore të vitit 2015, edhe përkundër tërheqjes së SHBA-së nga ajo dhe rivendosjes së sanksioneve amerikane.
Ministri holandez i Punëve të Jashtme, Stef Bllok sot deklaroi se “akoma nuk është shumë vonë, por Irani me të vërtetë duhet t’i përmbushë obligimet e veta”.
Në takim të rregullt mujor në Bruksel, ministrat e jashtëm të BE-së do ta shqyrtojnë përhapjen e mbështetjes për sistemin e tyre për tregti me Iranin, i cili i ngjan këmbimit tregtar, me qëllim të evitimit të sanksioneve amerikane. Dhjetë vende tashmë e mbështetën nismën.
Autoritetet iraniane pohojnë se u nevojiten lidhje të përmirësuara ekonomike me Evropën prej se SHBA-ja rivendosi sanksione ndaj Teheranit, duke e përkeqësuar krizën ekonomike në vend. ab/