Berlin, 17 korrik 2019 (MIA) – Pasardhësja e Angela Merkel në vendin e lideress së Unionit demo-kristijan (CDU), Anegret Kramp Karenbauer do ta marrë funksionin e ministres së Mbrojtjes nga Ursulla don der Lajen, deklaroi zëdhënësi qeveritar, Shtefan Zajbert.
Ursulla don der Lajen, e cila dje u zgjodh për kryetare të re të Komisionit Evropian, sot do të japë dorëheqje nga funksioni i ministres së Mbrojtjes.
Përzgjedhja e Kramp Karenbauer për ministre të Mbrojtjes është befasi për shumicën në Berlin, ku është pritur në këtë vend të vijë ministri i Shëndetësisë, Jens Shpan.
Kramp Karenbauer, të cilën shumica e shohin si kandidate të përgjithshme për ta trashëguar kancelaren Merkel, për momentin nuk ka resor në Qeveri, për shkak se kritikët ishin kundër ardhjes së saj në vendin e kancelares. fb/