Ankara, 6 prill 2020 (MIA) – Ministria turke e Shëndetësisë dhe Ministria e Transportit dhe Infrastrukturës kanë vendosur që së bashku të shpërndajnë maska mbrojtëse falas.
Secili qytetar, me përjashtim të atyre nën moshën 20 dhe mbi 65 vjeçare, mund të aplikojë për pesë maska falas në javë. Njerëzit mbi moshën 65 vjeçare ose ata me sëmundje kronike janë subjekt i izolimit të detyrueshëm në Turqi.
Aktualisht, në vend ka orë policore për njerëzit nën moshën 20 dhe mbi 65 vjeçare për të parandaluar përhapjen e epidemisë.
Ndërkohë, autoritetet turke kanë njoftuar se të rinjtë që punojnë, përfshirë ata të punësuar në bujqësi sezonale, do të lirohen nga ndalimi për të dalë nga shtëpitë e tyre për periudha të caktuara. mb/