Franca ushtarakisht intervenon në MaliParis, 11 janar 2013 (MIA) - Presidenti francez Fransoa Oland në fjalimin deri te populli i njoftoi bashkëkombasit e tij se armata franceze ushtarakisht është e angazhuar në Mali, në kuadër të mandatit të Kombeve të Bashkuara, njoftoi korrespondenti i MIA-s nga Parisi.
Në fjalimin e tij të shkurtër televiziv shefi i shtetit francez konfirmoi se forcat ushtarake franceze pasdite i kanë ofruar mbështetje armatës së Malit në luftimet të cilat ajo po i zhvillon kundër grupeve islamiste të cilët e kontrollojnë veriun e vendit.
"Ky operacion do të zgjasë aq sa është e nevojshme. Franca çdoherë vepron kur bëhet fjalë për të drejtën e popullatës e cila dëshiron të jetojë e lirë në demokraci", shtoi Oland.
Bamako mbrëmë kërkoi nga Këshilli i Sigurimit të KB-së që edhe Franca t'i ofrojë ndihmë urgjente ushtarake. Zyrtarisht nuk ka ushtarë francezë drejtpërdrejt në luftime, por ata kanë intervenuar vetëm si mbështetje nga ajri.
|