Qeveria britanike dërgoi dy aeroplanë transportues në Mali, si ndihmë për ndërhyrjen ushtarake franceze

Londër, 14 janar 2013 (MIA) - Si ndihmë të ndërhyrjes ushtarake franceze në Mali, Britania e Madhe vendosi të dërgojë dy aeroplanë transportues. I pari prej aeroplanëve mbrëmë fluturoi nga Britania e Madhe për në Francë, ndërsa pritet sot prej atje të niset për në Mali.

Ndihmësministri i Punëve të Jashtme i Britanisë së Madhe për Afrikën, Mark  Simonds, deklaroi se ky vend vendosi që Francës ti japë mbështetje logjistike dhe se atje u dërguan dy aeroplanë transportues.

Duke nënvizuar se Britania e Madhe nuk ka qëllime luftarake të dërgojë personel ushtarak, Simonds theksoi se Al Kaeda dhe organizatat e tjera terroriste, të cilat gjenden në pjesën veriore të vendit, janë kërrcënim direkt për Britaninë e Madhe, si dhe për rajonin verior të Malit.

Kryeministri i Britanisë së Madhe Dejvid Kameron në ditët paraprake ka biseduar me presidentin francez Fransoa Oland, me çka është vendosur që Britania e Madhe t'i japë mbështetje logjistike Francës në ndërhyrjen ushtarake në Malin verior.

Mediat në Britaninë e Madhe transmetojnë se fluturaket pa pilot dhe "të padukshëm" janë të gatshëm të dërgohen në Afrikë.