Në Krime është ndërprerë emetimi i TV kanaleve ukrainase, në vend të tyre emetohen televizionet ruseSimferopol, 10 mars 2014 (MIA) - Në territorin e Krimesë është ndërprerë emetimi i të gjitha kanaleve televizive ukrainase, ndërsa në vend të tyre emetohen televizione ruse, njoftoi ITAR-TASS.
Banorët e republikës autonome ukrainase tani mund t'i shohin programet në "Kanalin e parë", "Rusia 24", NTV, STS dhe të tjerë. Nga kanalet lokale emetohen vetëm radio kanali dhe televizioni shtetëror "Krime".
Ministri i Informatave i Krimesë, Dmitrij Polonoski deklaroi se televizionet ukrainase njëanshëm njoftojnë për ngjarjet në Ukrainë dhe po përpiqen të shkaktojnë tensione para mbajtjes së referendumit për bashkangjitjen e gadishullit drejt Rusisë.
"Vlerësojmë se kemi të drejtë morale t'i mbrojmë banorët e Krimesë nga informatat e rrejshme dhe të pasakta, të cilat i emetojnë televizionet ukrainase", shtoi ministri.
|