Rusia e akuzoi NATO-n se e shfrytëzon krizën ukrainase që ta arsyetojë ekzistimin e sajMoskë, 10 prill 2014 (MIA) - Ministria ruse e Punëve të Jashtme e akuzoi sot NATO-n se e shfrytëzon krizën në Ukrainë që t'i rrisë kërkesat e saj deri te anëtaret dhe ta arsyetojë ekzistimin e saj, duke i mobilizuar kundër kanosjes së "shpikur" të jashtme.
"Akuzat ekzistuese kundër Rusisë nga ana e sekretarit të përgjithshëm të NATO-s, Anders Fog Rasmusen na bindën se Aleanca po përpiqet ta shfrytëzojë krizën në Ukrainë që t'i ngjesh radhët e saj kundër kanosjes së imagjinuar të jashtme ndaj anëtareve të NATO-s dhe t'i përforcojë kërkesat e saj në shekullin 21", kumtoi diplomacia ruse.
Komandanti i NATO-s në Evropë, gjenerali Filip Brejdllav dje deklaroi se Aleanca, si përgjigje ndaj kanosjes ushtarake ruse për Ukrainën, mund t'i sistematizojë ushtarët e saj në vendet anëtare në pjesën lindore të Evropës, të cilët "ndjehen të rrezikuar".
|