BE i bën thirrje Rusisë për ndërprerjen e përpjekjeve për destabilizimin e Ukrainës

Bruksel, 13 prill 2014 (MIA) - Bashkimi Evropian i bëri thirrje Rusisë që t'i ndërpresë të gjitha përpjekjet për destabilizimin e Ukrainës dhe ju bëri thirrje autoriteteve të vazhdojnë me demonstrimin e përmbajtshmërisë.

Shefja e diplomacisë Evropiane, Kethrin Eshton theksoi në kumtesë se është "e brengosur nga aksionet e ndërmarra nga personat e armatosur dhe grupet separatiste në qytetet në Ukrainën Lindore".

Ajo i bëri thirrje Rusisë që ta respektojë tërësinë territoriale të Ukrainës dhe t'i tërheq ushtritë në afërsi të kufirit dhe t'i parandalojë të gjitha aksionet të cilat kanë për qëllim destabilizimin e Ukrainës, Eshton shfaq shpresë se në takimin e caktuar për më 17 prill në Gjenevë me sekretarin shtetëror të SHBA-së dhe ministrat e Punëve të Jashtme të Ukrainës dhe Rusisë do të dakordohet stabilizimi i situatës.