BE do të debatojë për Urainën dhe për RusinëBruksel, 14 prill 2014 (MIA) - Shefat e diplomacive të shteteve anëtare të BE-së sot në Luksemburg do të kenë takim në të cilin do të shqyrtohet situata në Ukrainë dhe marrëdhëniet me Rusinë.
Takimin do ta udhëheqë përfaqësuesja e lartë për politikë të jashtme dhe siguri në BE, Ketrin Eshton. Përveç për Ukrainën në rend dite janë BeH-ja, Siria dhe Tunizia.
Pritet që pas eskalimit të krizës ukrainase në rajonin e Donjeckut, ku gjatë uikendit filluan përleshje të armatosura midis policisë dhe demonstruesit e armatosur prorusë, Këshilli ministror ta zgjerojë listën e funksionarëve rusë të cilëve do t'u ndalohet udhëtim dhe disponim me pronë në Union.
Pritet që ministrat të debatojnë edhe për letrën nga presidenti rus Vlladimir Putin deri te shefat e 18 shteteve evropiane lidhur me gazin që Rusia përmes Ukrainës e eksporton në Evropë. Putin në letër thekson se për shkak të borxhit të madh të Ukrainës, dërgesa e gazit, mund të ndërpritet jo vetëm për këtë shtet por edhe për të gjithë ata të cilët furnizohen përmes Ukrainës.
|