Ultimatumi i Turçinovit kundër demonstruesve prorusë në lindje të Ukrainës skadon sot

Kiev, 14 prill 2014 (MIA) - Ukraina u dha afat demonstruesve prorusë në lindje të shtetit që në afat deri në orën nëntë sipas kohës lokale sot ta lënë armën dhe t'i braktisin ndërtesat administrative ose do të ballafaqohen me "operacion të madh antiterrorist".

Këshilli i sigurisë kombëtare dhe mbrojtjes i Ukrainës mori vendim dje për fillim të aksionit gjithëpërfshirë antiterrorist me angazhimin e forcave të armatosura.

Në lindje të Ukrainës në Donjeck, Harkov dhe Lugansk nga marsi po zgjasin mitingje të ithtarëve të federatës, pjesëmarrësit e të cilave kërkojnë referendume për statusin e rajoneve të tyre. Protestat u zgjeruan edhe në disa qytete nga rajoni i Donjeckut - Sllavjansk, Mariupol, Jenakievo, Kramatorsk dhe disa qytete më të vogla.

"Të gjithë që nuk kanë shtënë drejt forcave tona të sigurisë, ndërsa të cilët do ta lënë armët dhe do t'i braktisin ndërtesat administrative deri të hënën në mëngjes, në dekretin e nënshkruar dhashë garanci se kundër tyre nuk do të zbatohen dënime për vepra të kryera", deklaroi u.d.president Oleksandar Turçinov.