BE-ja dha dritë të gjelbërt për masat tregtare në përkrahje të UkrainësLuksemburg, 14 prill 2014 (MIA) - Bashkimi Evropian sot i miratoi lehtësimet financiare dhe tregtare për Ukrainën, pasi ministrat e Financave të BE-së i pranuan masat përfundimtare, transmetoi DPA.
Njëkohësisht do të hiqen shumica e doganave të BE-së për mallërat ukrainase, që kompanive të Ukrainës u mundëson qasje më të lirë deri te tregu i 28 vendeve-anëtare të Unionit.
Përveç asaj ministrat e miratuan propozimin e Kievit që t'i jepet kredi edhe prej një miliardë euro (1,4 miliardë dollarë). Autoritetet ukrainase, megjithatë, në këmbim duhet të angazhohen në zbatimin e reformave strukturore dhe ekonomike.
Ministrat, gjithashtu, u dakorduan të ngrihen llogaritë edhe të katër personave për shkak të përfitimit joligjor të mjeteve shtetërore ukrainase. Emrat e tyre do të shpallen kur sanksionet do të hyjnë në fuqi.
|