Ukraina nuk do të bisedojë për federalizim gjatë negociatave në GjenevëGjenevë, 15 prill 2014 (MIA) - Ukraina paralajmëroi se gjatë negociatave katërpalëshe, të cilat do të mbahen të enjten në Gjenevë, nuk do të bisedojë për çështjen lidhur me rregullimin e saj të brendshëm, të cilat do të përfshinin edhe tema për federalizimin e saj eventual.
Ambasadori ukrainas në KB, Jurij Klimenko theksoi se Ukraina dëshiron t'i shfrytëzojë negociatat me SHBA-në, Rusinë dhe BE-në në Gjenevë për zvogëlimin e tensioneve në kufirin rus dhe për rikuperimin e marrëdhënieve tregtare me Moskën.
Sipas Klimenkos, trazirat në pjesën lindore të Ukrainës janë "justifikim i fabrikuar", me të cilin Rusia mundohet të arrijë mossukses në negociata.
|