Ushtria ukrainase pushtoi një aeroport ushtarak në Ukrainën Lindore

Kiev, 15 prill 2014 (MIA) - Disa ushtarë ukrainas sot e pushtuan aeroportin ushtarak në afërsi të qytetit Kramatorsk në pjesën lindore të Ukrainës, ndërsa gjatë operacionit janë lënduar disa persona, kumtuan aktivistët prorusë.

Ushtarët ukrainas të aeroportit ushtarak, i cili ndodhet midis qyteteve Kramatorsk dhe Sllavjansk, kanë arritur me transportues të blinduar.

"Ata filluan të negociojnë me milicinë popullore, e cila e kontrollonte aeroportin. Të shtënat kanë filluar pa pritur. Ka të lënduar midis pjesëtarëve të milicisë popullore", deklaruan disa anëtarë të këtij formacioni paramilitar prorurs.

Aktivistët kumtuan se pjesëtarët e milicisë e kanë bllokuar hyrjen në qytetin Kramatorski dhe janë të gatshëm ta mbrojnë.

Mediat ukrainase theksojnë se në aeroport po dëgjohen të shtëna dhe shpërthime.