Uashington, 23 korrik 2014 (MIA) - Admirali amerikan Mark Ferguson është komandanti i ri i forcave të NATO-s në Evropë, pasi që dje e mori funksionin nga bashkëkombasi i tij admirali Brus Klingan. Ferguson (57) është zëvendës-shef i mëparshëm i operacionit detar në Uashington.
Ai në kumtesë thekson se është i përkushtuar në përforcimin e Aleancës. Selia e forcave të NATO-s në Evropë është në Lago Patria në afërsi të Napolit, ku nga dhjetori i vitit 2012 ndodhet komanda federale e forcave të bashkuara.
"Do të punojmë me aleatët dhe partnerët tanë që të mbetemi forcë pozitive për stabilitet dhe paqe në rajon", theksoi Ferguson.
Klingan shkon në pension pas 37 viteve shërbim në marinën amerikane.