Parlamenti ukrainas i ratifikon marrëveshjet me Holandën dhe Australinë për hetim të fatkeqësisë së aeroplanit

Kiev, 31 korrik 2014 (MIA) - Rada Supreme sot në seancën e jashtëzakonshme e ratifikon marrëveshjen mes Ukrainës dhe Holandës, të arritur më 28 korrik, për misionin ndërkombëtar për mbrojtjen e hetimit për fatkeqësinë  e aeroplanit malejzian në rajonin e Donjeckut.

Sipas marrëveshjes, misioni ndërkombëtar, i udhëhequr nga Holanda është formuar me qëllim të "bashkëpunimit gjatë mbledhjes së mbetjeve dhe hetim të arsyeve për rrëzimin e aeroplanit "Boing 777" të kompanisë ajrore malejziane në rajonin e Donjeckut".

Misionin e përbën personeli ushtarak dhe civil nga Holanda, Australia dhe përderisa është e nevojshme nga vendet tjera, qytetarët e të cilëve kanë udhëtuar me aeroplanin.

Anëtarëve të misionit u është lejuar të posedojnë dhe mbajnë armë, ndërsa gjithashtu edhe ta përdorin me vetëmbrojtje edhe për përfundimin e veprimtarive të tyre sipas marrëveshjes, si dhe të mbajnë uniformë ushtarake. Misioni numëron jo më shumë se 700 persona të armatosur.

Parlamenti në Kiev e ratifikon edhe marrëveshjen mes Ukrainës dhe Australisë, të lidhur më 25 korrik, me të cilin është parashikuar dërgimi i ekspertëve australian në Ukrainë për hetim të tragjedisë së aeroplanit.

Sipas dokumentit, Australia mund të dërgojë më së shumti 250 policë, ushtarë dhe persona civil.