Qeveria suedeze dëshiron ta heqë termin racëGotenburg, 31 korrik 2014 (MIA) - Qeveria suedeze dëshiron termin racë ta zhdukë nga legjislacioni suedez, njoftoi raportuesi i MIA-s nga Gotenburgu.
Por ky propozim njëherit has në kritika edhe nga ana e Lidhjes Afro-suedeze, e cila beson se termi racë është një koncept i rëndësishëm kur bëhet fjalë për luftën kundër diskriminimit.
"Ne e dimë se nuk ka raca të ndryshme të njeriut. Ne gjithashtu e dimë se thelbi i racizmit është se besohet se ka raca të ndryshme, se përkatësia në raca e bën personin të sillet në mënyrë të caktuar, dhe se disa raca janë superiore ndaj të tjerave", thotë ministri suedez për Integrim Erik Ulenhag.
Sipas tij, koncepti i racës ka një konotim negativ dhe është një rrezik për të nxitur paragjykimet. Prandaj kjo fjalë duhet hequr nga tekstet e ligjeve suedeze.
|