Identifikohen gjithsej 23 trupa të viktimave të fatkeqësisë së aeroplanit në Ukrainë

Hagë, 8 gusht 2014 (MIA) - Mjekët e mjekësisë ligjore kanë identifikuar viktimën e 21-të të fatkeqësisë së aeroplanit malajzian, me çka numri i tyre i përgjithshëm është 23, kumtoi Qeveria holandeze.

Aeroplani i "Malejzha erlajns" u rrëzua më 17 korrik në rajonin Donjeck të Ukrainës, i cili është nën kontrollin e forcave proruse, ndërsa në fatkeqësi jetën e kanë humbur 298 pasagjerë dhe anëtarë të ekuipazhit, në mesin e të cilëve 193 shtetas holandezë.

Mbi 220 arkivole janë transportuar në Holandë, ku ekspertët kanë për detyrë t'i identifikojnë trupat.

Në mesin e 21 viktimave të rinj janë 16 holandezë (njëri është me shtetësi të dyfishtë holandeze-britanike), dy malajzian një gjerman, një kanadez dhe një britanik, konfirmoi Ministria e Drejtësisë së Holandës.

Kryeministri holandez, Mark Rute dje theksoi se ndërpritet aksioni për gjetjen e trupave të fatkeqësisë në pjesën Lindore të Ukrainës për shkak të pasigurisë së shkaktuar midis forcave ukrainase dhe atyre proruse.