Kryeministri skocez e hodhi poshtë propozimin e Londrës për autonomi më të gjerë të SkocisëEdinburg, 9 shtator 2014 (MIA) - Kryeministri skocez dhe lider i Partisë nacionale skoceze, Alek Salmond, e hodhi poshtë propozimin e Londrës për autonomi më të gjerë të Skocisë.
Salmond deklaroi se në pakon, e publikuar sot nga tre partitë politike kryesore - konservative, laburiste dhe liberale, nuk ka asgjë të re.
"Kjo është përpjekje për shitjen e një produkti të vjetër në një paketim të ri", komenton Salmond.
Pakoja, detajet e së cilës akoma nuk janë precizuar, parasheh furnizimin e Parlamenti skocez me instrumente përmes së cilave Skocia mund të zbatojë politikë fiskale personale dhe vetë t'i menaxhojë shpenzimet për veprimtaritë sociale.
Sipas liderit të nismës, ish-kryeministri laburist Gordon Braun, i cili është skocez dhe e mbështet lënien e Skocisë në kufijtë e Mbretërisë së Bashkuar, puna për pakon ligjdhënëse mund të fillojë që ditën e ardhshme pas referendumit për pavarësi, të caktuar për më 18 shtator, ndërsa propozimet mund të hyjnë në fuqi që në janar të vitit të ardhshëm.
Propozimet e tre partive në Londër janë ndeshur me kritika të ashpra edhe nga kryetari i partisë nacionale Skoceze në Parlamentin britanik, Angus Robertson. Ai deklaroi se oferta paraqet "përpjekje cinike për ryshfet".
|