Londër, 7 tetor 2014 (MIA) - Virusi vdekjeprurës i ebolës pothuajse në mënyrë të pashmangshme do të përhapet në Evropë, por "kontinenti i vjetër" është i përgatitur mirë për këtë, deklaroi sot drejtoresha rajonale e Organizatës Botërore të Shëndetësisë (OBSH) Zhuzhana Jakab.
Vetëm disa orë pasi që është konfirmuar rasti i parë i sëmundjes ngjitëse në Spanjë, ajo deklaroi se raste të këtilla janë "të pashmangshme".
Katër persona, duke përfshirë edhe një infermiere, të cilës i është konfirmuar prania e virusit ebola, janë hospitalizuar dhe gjendja e tyre do të përcillet, për shkak të frikës se do mund të bartin sëmundjen, kumtuan paraprakisht autoritetet shëndetësore spanjolle.
"Rastet e këtilla me siguri do të ndodhin edhe në të ardhmen", tha Jakab dhe theksoi se kjo është e pashmangshme, sepse shumë njerëz nga Evropa udhëtojnë në vendet e prekura dhe anasjelltas.
Sipas saj, rrezik më të madh që të sëmuren punonjësit shëndetësorë, të cilat kujdesen për pacientët, si dhe familjet e tyre.