Rusia bëri thirrje në përmbajtje nga provokimet në Ukrainë

Nju-Jork, 31 tetor 2014 (MIA) - Moska u bëri thirrje të gjitha palëve në procesin politik në Ukrainë, si dhe forcave të jashtme që të distancohen nga hapat e shpejtuara dhe provokuese dhe ta ndihmojnë dialogun në vend, deklaroi dje ambasadori rus në KB Vitalij Çurkin në seancën e Asamblesë së Përgjithshme.

Çurkin theksoi se Ukraina kalon nëpër një periudhë kritike, që kërkon aksione të vërteta dhe të balancuara, si dhe nxitje të dialogut politik.

"Për këtë qëllim u bëmë thirrje faktorëve të jashtëm dhe të brendshëm që të përmbahen nga deklaratat dhe aksionet e shpejtuara e veçanërisht nga ato provokuese", bëri thirrje Çurkin.

Moska zyrtare ashpër e kritikoi vendimin e BE-së që të mos i pranojë rezultatet nga zgjedhjet lokale në Ukrainën Lindore, duke paralajmëruar se mosnjohja e votimit mund ta rrezikojë armëpushimin.

BE-ja dhe KB-ja paralajmëruan se zgjedhjet në rajonin ukrainas Donjeck dhe Lugansk, të caktuara nga forcat proruse për më 2 nëntor, mund ta prishin procesin paqësor në vend.