Kievi e akuzoi Moskën se e rrit praninë ushtarake në Ukrainën lindoreKiev, 21 janar 2015 (MIA) - Ukriana sot e akuzoi Rusinë se e rrit praninë ushtarake në pjesën lindore të vendit.
"Një numër i madh i ushtarëve rus pa shenja janë vërejtur në rajonin e Luganskut", deklaroi zëdhënësi i Ministrisë ukrainase të Mbrojtjes Andrij Lisenko.
Ai i akuzoi separatistët prorus se vazhdojnë t'i granatojnë caqet ushtarake ukrainase me qëllim që ta zgjerojnë territorin të cilin e kontrollojnë.
"Një ushtar ukrainas është vrarë, ndërsa 40 janë lënduar në 24 orëshin e fundit", thekson Lisenko.
Në ndërkohë kryeministri ukrainas Arsenij Jacenjuk deklaroi se Qeveria propozoi rritje të numrit të forcave të armatosura ukrainase me 68.000 persona dhe të arrijë 250.000, prej të cilëve 204.000 do të ishin ushtarë.
Qeveria për atë dorëzoi propozim-ligj deri te Parlamenti dhe kërkoi nga deputetët urgjentisht ta shqyrtojnë.
|