Dakordohet tërheqja e armatimit të rëndë nga lindja e Ukrainës

Berlin, 22 janar 2015 (MIA) - Ministri gjerman i Punëve të Jashtme, thotë se bisedimet lidhur me krizën në Ukrainë, të cilat kanë përfunduar mbrëmë vonë në Berlin, kanë rezultuar me arritjen e një marrëveshje për largimin e armatimit të rëndë nga lindja e Ukrainës.

Shtajnmajer këtë marrëveshje e ka bërë të ditur mbrëmë pas katër orë diskutimesh me homologun e tij rus, Sergei Lavrov, homologun ukrainas, Pavlo Klimkin si dhe ministrin e jashtëm francez, Laurent Fabius.

Shtajnmajer ka thënë se të gjitha palët, sikurse zyrtarët e qeverisë ruse edhe përfaqësuesit e seperatistëve, janë dakorduar që armatimi i rëndë të tërhiqet 15 kilometra nga zona e konfliktit.

Kjo marrëveshje, sipas ministrit gjerman, është një e arritur por, siç ka thënë ai, "nuk ka përparim" në përpjekjet për arritjen e marrëveshjes së paqes për Ukrainën Lindore, pjesë në të cilën seperatistët pro-rusë i kanë luftuar forcat qeveritare për muaj të tërë.

Bisedimet e djeshme në Berlin janë mbajtur në kohën kur është raportuar se seperatistët prorusë kanë vendosur më shumë armë në një pikë strategjike në Ukrainën Lindore.