Euro ra në vlerën më të ulët në 11 vitet e funditTokio, 26 janar 2015 (MIA) - Vlera e euros në Bursën e Tokios sot shënoi uljen më të madhe në krahasim me dollarin gjatë 11 viteve të fundit, si rezultat të fitores së Koalicionit të së majtes radikale (SYRIZA) në zgjedhjet e djeshme të jashtëzakonshme parlamentare në Greqi.
Sot në mëngjes një euro këmbehet për 1.1098 dollarë, që është vlera më e ulët e euros në krahasim me valutën amerikane që nga shtatori i vitit 2003.
Sipas ekspertëve, rënia e vlerës së euros ka të bëjë me rreziqet e shtuara për sigurinë e ekonomisë evropiane pas fitores së SYRIZA-s në Greqi.
|