BE-ja u kërcënua me sanksione të reja kundër RusisëBruksel, 27 janar 2015 (MIA) - Shefat e shteteve ose qeverive të 27 vendeve-anëtare të Bashkimit Evropian sot paralajmëruan ashpërsim të sanksioneve kundër Rusisë, në qoftë se Moska nuk i dënon aksionet e forcave proruse dhe nuk fillon me realizimin e marrëveshjes nga Minsku.
Në kumtesë të përbashkët të liderëve të Be-së më ashpër dënohet sulmi artilerik i forcave proruse ndaj qytetit bregdetar Mariupol, në të cilin jetën e humbën të paktën 30 persona.
"Ekzistojnë dëshmi për mbështetjen e vazhdueshme dhe gjithnjë e më intensive nga Rusia për separatistët, që e thekson përgjegjësia e Rusisë", thuhet në kumtesën e përbashkët.
Shefat e shteteve ose qeverive të 27 vendeve-anëtare të Bashkimit Evropian u dhanë instruksione ministrave të tyre të punëve të jashtme në seancën e jashtëzakonshme të Këshilli për punë të jashtme të BE-së që të enjten të shqyrtohen aksionet e domosdoshme, ndërsa posaçërisht masa të reja restriktive, të cilat do të kenë për qëllim zbatimin e marrëveshjes nga Minsku.
Këshilli i BE-së do të japë qëndrim përfundimtar për sanksionet e paralajmëruara në samitin joformal në Bruksel muajin e ardhshëm.
|