Në Minsk filloi takimi për zgjidhjen e krizës në Ukrainë

Minsk, 11 shkurt 2015 (MIA) -  Në Pallatin e pavarësisë në Minsk filloi takimi për gjetjen e zgjidhjes për krizën në Ukrainë.

Liderët e vendeve nga i ashtuquajturi formati normandik - presidentët е Francës, Rusisë dhe Ukrainës - Fransoa Oland, Vladimir Putin dhe Petro Poroshenko,  si dhe kancelarja gjermane Angela Merkel i kanë filluar bisedimet, ndërsa për më vonë është parashikuar t'u bashkangjiten edhe këshilltarët e tyre.

Merkel dhe Oland mëngjesin e sotëm kanë patur disa biseda telefonike, duke e analizuar situatën dhe planifikojnë të investojnë përpjekje maksimale për arritje të suksesit në bisedime.

Poroshenko dhe Putin janë pritur nga presidenti bjellorus Aleksandar Poroshenko në Pallatin e pavarësisë. Oland dhe Merkel janë pritur nga Lukashenko, me ç'rast kancelares gjermane i janë dhuruar edhe lule.

"Ose situata do të niset drejt zvogëlimit të tensioneve dhe ndërprerjes së zjarrit ose do të dalë nga kontrolli", theksoi Poroshenko para takimit.