BE-ja të hënën do të plotësojë listën me rusë dhe ukrainas të sanksionuarBruksel, 13 shkurt 2015 (MIA) - Bashkimi Evropian të hënën, edhe krahas marrëveshjes së arritur paqesore në Minsk, do të shtojë edhe 19 shtetas rusë dhe ukrainas në listën me persona të sanksionuar, të cilëve u janë bllokuar llogaritë dhe kanë ndalesë për udhëtim për shkak të rolit të tyre në luftën në Ukrainë, deklaruan diplomatë evropianë.
"Duhet të konfirmoj se të hënën do ta publikojmë listën, pa dallim të marrëveshjes nga Minsku", theksoi një diplomat nga BE-ja.
Këtë javë ministrat e punëve të jashtme nga vendet e Unionit aprovuan bllokim të llogarive dhe kufizime vizash për 14 separatistë ukrainas dhe pesë rusë, ndërsa gjithashtu edhe për nëntë persona juridik, por theksuan se masat nuk do të hyjnë në fuqi deri më 16 shkurt, duke i pritur negociatat me Moskën.
|