Remi i parë për Real Madridin në PremierëMadrid, 2 mars 2015 (MIA) - Ekipi i Real Madridit nuk arriti mbrëmë në terrenin e vet të sigurojë fitore pasi në kuadër të xhiros së 25-të arriti barazim me Vilarealin 1:1.
Megjithatë pjesa e parë kaloi me dominim të lehtë të Real Madridit, por pa raste konkrete shënimi.
Në minutën e 52-të ishte Eric Bailly ai që shkaktoi një ndërhyrje në zonë, e cila i dhuroi Realit një penalti.
Kjo penalti natyrisht se u konvertua në gol nga Cristiano Ronaldo, i cili e shënoi golin e 31-të këtë sezon në La Liga.
Por, Villarreali nuk u dorëzua dhe insistoi. Një goditje precize e Gerardo Morenos nga jashtë 16 metërshit përfundoi në portën e Casillas, për të barazuar rezultatin (64').
Me këtë barazim Reali ka 61 pikë, dy pikë më shumë se Barcelona në vendin e dytë dhe shtatë më shumë se Atletico Madridi në vendin e tretë.
|